Rhayader

Tref hyfryd yng Nghanolbarth Cymru yw Rhaeadr Gwy.  Mae’n gweithredu fel porth i ardal drawiadol Cwm Elan gan gynnig cyfuniad o harddwch naturiol, antur awyr agored, a chyfoeth diwylliannol. 

Mae Rhaeadr Gwy, sy'n adnabyddus am ei chymuned fywiog a'i chymysgedd unigryw o awyrgylch traddodiadol a bohemian, yn hafan i gerddwyr, seiclwyr a rhai sy'n frwdfrydig am natur. Gall ymwelwyr archwilio ei strydoedd bywiog wedi'u llenwi â siopau diddorol, mwynhau seiclo ar Pump Track mwyaf y DU, a gweld y barcud coch ysbrydoledig yn bwydo yn Fferm Gigrin. Gyda sîn gelfyddydol ffyniannus, orielau lleol, a digon o dafarndai, mae Rhaeadr Gwy yn cynnig profiad cofiadwy i bawb sy'n ymweld a’r ardal.

Bore

Rhodfa Afon Gwy

Dechreuwch eich diwrnod gyda thaith gerdded heddychlon ar hyd Afon Gwy, gan edmygu ei rhaeadrau bach a'i phyllau tawel. Mwynhewch y llwybr hyfryd ar ei glannau sy'n cynnig mannau gwych i fwynhau harddwch un o afonydd hiraf y DU.

Darganfod Strydoedd Rhaeadr Gwy 

Beth am grwydro strydoedd bywiog Rhaeadr Gwy, gan archwilio amrywiaeth o siopau diddorol. 

Stopiwch yn Hafod Hardware, siop glasurol sy'n adnabyddus am ei hamrywiaeth o nwyddau, a galwch heibio Quillies i fynd â darn sydd wedi'i saernïo â llaw yn lleol yng Nghanolbarth Cymru. Peidiwch â cholli’r cyfle i brofi Antiques West Street am gymysgedd o hen drysorau, ac ni ddylid colli’r cyfle am seibiant yn siop Goffi Narrative (rydym wedi clywed pethau gwych am eu hysgytlaeth hefyd) 

Diwedd y Bore:

Pump Track Cymru

Os ydych chi'n seiclo, ewch draw i Pump Track Cymru, trac pump track hollt mwyaf y DU. Heriwch eich hun neu ewch yn benben gyda ffrind ar y dolenni drych. P'un a ydych chi'n ddechreuwr neu'n arbenigwr, mae hwn yn brofiad hwyliog a chyffrous.

Cinio:

Mwynhewch ginio mewn caffi neu dafarn leol. Mae llawer o fwytai'r dref yn cynnig cynnyrch lleol ffres ac maent yn adnabyddus am eu naws groesawgar a'u bwyd gwych.

Dechrau’r Prynhawn:

Gorsaf Fwydo’r Barcud Coch - Fferm Gigrin

Ar ôl cinio, ewch draw i Fferm Gigrin am sesiwn bwydo’r barcud coch am 2pm neu 3pm. Cewch eich synnu wrth weld cannoedd o'r adar gwych hyn yn disgyn i lawr i gasglu bwyd, gan greu arddangosfa ysbrydoledig o acrobateg yn yr awyr.

Canol Prynhawn:

Amgueddfa ac Oriel CARAD

Ewch i CARAD i bori drwy gelfyddyd leol hardd wedi'i ysbrydoli gan dirwedd y Canolbarth. Archwiliwch yr arddangosfeydd cylchdro o serameg, tecstilau a phrintiau, a hyd yn oed cymryd rhan mewn dosbarthiadau celf neu sgyrsiau natur os ydynt ar gael.

Gyda’r nos:

The Lost Ark ar gyfer Cerddoriaeth Fyw

Dewch a’ch diwrnod i ben yn The Lost Ark. Gyda'r nos, gallwch fwynhau cerddoriaeth fyw gan artistiaid o Gymru a rhai rhyngwladol, neu gymryd rhan mewn sesiwn jamio lleol. Mae'n ffordd wych o brofi ysbryd cymunedol bywiog ac eclectig Rhaeadr Gwy.