Yma ceir cymysgedd hyfryd o ddigwyddiadau a gweithgareddau gyda’r nod o ddod â phobl ynghyd ac i ddathlu hynodrwydd a swyn ein rhanbarth.
Ein cynghorau tref sydd tu ôl i lawer o fentrau lleol, gan sicrhau bod rhywbeth hwyl ar y gweill o hyd. O garnifalau bywiog i wyliau hudolus sy’n dangos ein treftadaeth amaethyddol, Powys yw’r lle perffaith i deuluoedd greu cysylltiadau ac atgofion bythgofiadwy.
Beth am ddarganfod ein hybiau cymunedol sydd llawn bwrlwm, neu fanteisio ar weithdai ymarferol, a mwynhau’r traddodiadau sydd mor gynhenid i Bowys. Boed hynny’n golygu ras defaid mewn ffair leol (ie, defaid yn cystadlu yn erbyn ei gilydd) neu flasu danteithion mewn un o’r gwyliau bwyd, mae croeso cynnes a chwerthin di-ri’n disgwyl ymwelwyr o bob oed.
Felly, paciwch eich natur anturus a’ch jôcs gorau - mae Powys yn barod i ddangos amser da ichi! Ymunwch â ni i fwynhau ysbryd cymunedol a hwyl i’r teulu cyfan, y ddau’n mynd law yn llaw, a byddwch yn teimlo eich bod yn dychwelyd adref bob tro y byddwch yn dod atom.